Note 8 用家網上恥笑果粉盲撐 iPhone X「新」功能

| Kay | 13-09-2017 18:49 | |
Note 8 用家網上恥笑果粉盲撐 iPhone X「新」功能

每年 Apple iPhone 發布會一過,除了有不少網民討論新機功能特性、有否炒賣潛力之樣,第 3 種網民會拿出來討論的,就是「iPhone 新功能一早在 An 機已備」,而這類 post 的樓主,通常就是 An 機用家。有一位利申自己是「Note 8 用家,唔炒 iPhone」的樓主,今日(9 月 13 日)就出了一個 post 大數 iPhone X 全面屏幕、無線充電及人臉解鎖功能根本就早在以前 LG G3、Samsung Galaxy S8 等旗艦機找到,強力恥笑所謂的新功能都是 old news is so 唔識串之外,也對「連指紋解鎖都取消埋咁 X 反智嘅設計都要賣一皮嘢」,表示笑而不語。

【精選消息】

【精選消息】

當然,每每一到 Apple、Android 手機的爭拗 post,自然會出現了反應兩極的回應,今次也不例外。同意樓主「iPhone 新功能一早在 An 機已備」觀點的朋友,就覺得 Apple 稍改名字就當是新功能:「改個名就叫 Super Retina LED 屏幕,唔係玩開電話真係會比佢呃咗」,以及提到「四年前 Nexus 4 已經有 Qi Charger」、「竟然無人提 Sharp 第一個用全屏」,指出 Android 早在硬件完勝 Apple。

之不過,縱然 Android 不少旗艦機款都有先進硬件配備,而這些都是 Apple 在 N 年後才增設的,但不同意「樓主認為果粉反應」的人,原來為數也不少。有網民認為「你唔明電話已經係名牌效應之一?你用 iPhone 其他人會覺得你高級啲,自我感覺都高人一等」之外,也有網民直言 Apple 已是一個宗教,「宗教信仰嘅嘢,你識條 X 咩」,還強調「有因必有果,果粉的忠誠度是 An 機廠先要探討的問題。」,以及「永遠只有 Apple 能帶起潮流」,所以 Apple 新機一出,必比 An 機有談論價值,也是因為這樣。

Note 8 用家網上恥笑果粉盲撐 iPhone X「新」功能
Note 8 用家恥笑果粉反智原文。

究竟同意、不同意樓主所言的朋友,有怎樣的回應呢,以下就精選部分留言,看看會否是大家的心聲。

【精選消息】

【精選消息】

同意樓主的觀點:

「又啱,只係個價錢同用英文 X 有突破之外,其他都無乜突破」

「改個名就叫 Super Retina LED 屏幕,唔係玩開電話真係會比佢呃咗」

「冇指紋解鎖呢下真係不智,對自己個 face 解鎖咁有自信??」

「二手科技當黑科技,最得人驚係班教徒又 buy」

「竟然無人提 Sharp 第一個用全屏」

Note 8 用家網上恥笑果粉盲撐 iPhone X「新」功能

不同意樓主的觀點:

「你唔明電話已經係名牌效應之一?你用 iPhone 其他人會覺得你高級啲,自我感覺都高人一等」

「即係咁,你可以話你部掃把佬 n 年前加咗咩液態氮 engine(唔識車,純勁吹),0-100 一早突破咗 3 秒最高時速 250 公里云云,而家 Benz 出嘅車先有咁快有乜值得驚訝仲要賣幾百萬......問題就係人哋係 Benz 囉」

「有因必有果,果粉的忠誠度是 An 機廠先要探討的問題……」

「你應該諗下,LG,Samsung 食頭啖湯,但得不到和蘋果一樣的掌聲,究竟係點解。重點唔係個 feature,係點 sell。」

「去到 2017 居然重有人講,咩咩一早有啦,Apple 抄人云云。問題係永遠只有 Apple 先能夠帶起潮流、普及化」

Note 8 用家網上恥笑果粉盲撐 iPhone X「新」功能

Source: hkgolden

相關文章

Page 1 of 11